प्रफुल चव्हाण
मुंबई -दि.12 आगामी लोकसभा आणि विधानसभा निवडणुकांसाठी भाजप आमदारांची गुणवत्ता तपासण्यात आली आहे. मुख्यमंत्री देवेंद्र फडणवीस यांनी नुकतेच भाजपच्या 122 आमदारांना बंद पाकिटात त्यांची गुणपत्रिका दिली आहे. त्यामध्ये 40 टक्के आमदारांची कामगिरी खूपच निराशाजनक असल्याचे उघड झाले आहे. एका खासगी कंपनीने सर्वेक्षण केले होते. त्यानुसार मतदारसंघातील आमदारांना रेटिंग/गुण देण्यात आले. त्यामध्ये भाजपचे जवळपास काही आमदार डेंजर झोनमध्ये आहेत.
भाजपाच्या वसंत स्मृती कार्यालयात ही बैठक झाली. तीन तासांच्या बैठकीत सुरुवातीलाच प्रत्येक आमदाराच्या हातात दोन पाकिटे देण्यात आली. हिरव्या रंगाच्या पाकिटात राज्य सरकारच्या गेल्या चार वर्षातील कामगिरीचे तसेच विविध शासकीय योजनांची माहिती होती. दुसऱ्या खाकी पाकिटात काय आहे,याची उत्सुकता ताणली गेली.आमदारांनी ते उघडताच त्यातील अहवाल बघून अनेक जण जमिनीवर आले,तर काही पाकिटात मंत्रिमंडळ विस्तारात वर्णी लागण्याची माहिती होती.काहीं आमदारांचे चेहरे फुलले होते तर काहीं आमदारांचे चेहरे पडलेले दिसून आले.त्यामुळे उर्वरित दिवसांत उत्कृष्ट काम केलं, तर आमदारांना तिकीट मिळणार आहे.अन्यथा, या आमदारांची हकालपट्टी होऊन नव्या चेहऱ्यांना संधी मिळू शकते.
आजच्या परिस्थितीत मतदारसंघांमध्ये कोणकोणते समाज भाजपाच्या बाजूने आहेत, कोणते विरोधात जाऊ शकतात आमदारांबद्दल नेमकी नाराजी काय आहे आमदाराच्या कुठल्या कामांवर मतदार खुश आहेत, याचीही माहिती सर्वेक्षणात देण्यात आली आहे.
x
No comments:
Post a Comment